'ఐ హేట్‌ మ్యారేజ్‌' చిత్రం నుంచి అప్పుడే పెళ్లా? లిరికల్‌ సాంగ్‌ విడుదల
సుగి విజయ్‌, జుప్సీ భద్ర, హారిక రాజేందర్‌ హీరో హీరోయిన్లుగా పరమేష్‌ రేణుకుంట్ల దర్శకత్వంలో రూపొందుతోన్న విభిన్న ప్రేమకథా చిత్రం 'ఐ హేట్‌ మ్యారేజ్‌', ఆర్య సినిమా పతాకపంపై దయానంద్ మాదం, కార్తీక్‌ వెంపటి నిర్మిస్తున్న ఈ చిత్రం అక్టోబర్‌ చివరి వారంలో విడుదల కానుంది. కాగా సోమవారం జరిగిన పాత్రికేయుల సమావేశంలో ఈ చిత్రంలోని అప్పుడే పెళ్లా అనే లిరికల్‌ వీడియోను ప్రముఖ నిర్మాత బెక్కెం వేణుగోపాల్‌ విడుదల చేశారు. వరికుప్పల యాదగిరి రచించి, స్వరాలు సమాకూర్చిన ఈ పాటను సాహితి చాగంటి ఆలపించారు. ఈ సందర్భంగా బెక్కెం వేణుగోపాల్‌ మాట్లాడుతూ ఈ సినిమా చూశాను. నాకు బాగా నచ్చింది. ఈ సినిమా రూపొందిన విధానం నన్ను అలరించింది. తమ స్నేహితుడిని దర్శకుడిని చేయడం కోసం చిన్నప్పటి ఫ్రెండ్స్‌ అంతా కలిసి ఈ సినిమాను ప్రొడ్యూస్‌ చేశారు. కంటెంట్‌తో పాటు ఎమోషన్‌ ఉన్న సినిమా ఇది. ఈ బ్యూటిఫుల్‌ లవ్‌స్టోరీలో యూత్‌కు మంచి సందేశం కూడా ఉంది. తప్పకుండా ఈ సినిమా థియేటర్లో సౌండ్‌ చేస్తుంది' అన్నారు. దర్శకుడు పరమేష్‌ రేణుకుంట్ల మాట్లాడుతూ '' ఎంతో స్ట్రగుల్స్‌ మధ్య ఈ సినిమాను నిర్మించాను. నా కోసం నా స్నేహితులు ఈ సినిమా నిర్మించారు. జెన్‌ జీ బ్యాచ్‌కు కనెక్ట్‌ అయ్యే సినిమా ఇది. ఈ సినిమాలో హీరో, హీరోయిన్‌ క్యారెక్టర్‌తో తమను తాము స్క్రీన్‌ మీద చూసుకున్న ఫీలింగ్‌ కలుగుతుంది. ఈ సినిమాను ప్రత్యేకంగా వీక్షించిన కొంత మంది యూత్‌కు ఎంతో క్రేజీగా నచ్చింది అంటూంటే సినిమా విజయంపై మరింత నమ్మకం పెరిగింది' అన్నారు. హీరోయిన్‌ జుప్పీ భద్ర మాట్లాడుతూ '' ఈ రోజు నేను ఇక్కడికి పెళ్లి కూతురు గెటప్‌లో ఎందుకు వచ్చానో ఈ సినిమా చూస్తే తెలుస్తుంది. అందరికి కనెక్ట్‌ అయ్యే సినిమా ఇది. తప్పకుండా విజయం సాధిస్తుందనే విశ్వాసం వుంది' అన్నారు. ఈ సమావేశంలో సంగీత దర్శకుడు వరికుప్పల యాదగిరి, చిత్ర నిర్మాతలు దయానంద్, కార్తీక్‌, రచయిత ఘటిక చలం, ఎడిటర్‌ ఆవుల వెంకటేష్‌, అడ్వకేట్‌ వీణ, కో ప్రొడ్యూసర్‌ కాశీ తదితరులు పాల్గొన్నారు. సుగి విజయ్‌, జుప్పీ భద్ర, హారిక రాజేందర్‌, సాహితి కృష్ణ, పృథ్వీరాజ్‌, రవివర్మ అద్దూరి, ఆశ్రిత వేముగంటి, ప్రభావతి, జాకీర్‌, శ్రీదేవి ఆరోజు తదితరులు నటిస్తున్న ఈ చిత్రానికి స్టోరీ, స్క్రీన్‌ఫ్లే, డైలాగ్స్‌, డైరెక్షన్‌ పరమేష్‌ రేణుకుంట్ల, ఫోటోగ్రఫీ: విజయ్‌.సి.కుమార్‌, సంగీతం: వరికుప్పల యాదగిరి, ఎడిటిర్‌,ఆవుల వెంకటేష్‌, బ్యానర్‌ ఆర్య సినిమా, ప్రొడ్యూసర్స్‌, దయానంద్ మాదం, కార్తీక్‌ వెంపటి.
