రిషి రాథోడ్ రామావత్ ఆల్రౌండ్ ప్రదర్శన.. హీరాధి సీసీ ఘన విజయం
హైదరాబాద్, ట్రైనెట్ న్యూస్, ఆగస్టు 28: హైదరాబాద్ క్రికెట్ అసోసియేషన్ ‘సి’ డివిజన్ వన్డే లీగ్ ఛాంపియన్షిప్లో భాగంగా సన్గ్రేస్ సీసీ, హీరాధి సీసీ జట్ల మధ్య మ్యాచ్ జరిగింది.
రిషి రాథోడ్ రామావత్ ఆల్రౌండ్ ప్రదర్శనతో హీరాధి సీసీ 7 వికెట్ల తేడాతో ఘన విజయం సాధించింది.
టాస్ గెలిచి తొలుత బ్యాటింగ్ ఎంచుకున్న సన్గ్రేస్ సీసీ నిర్ణీత 50 ఓవర్లలో 9 వికెట్ల నష్టానికి 211 పరుగులు చేసింది. హీరాధి సీసీ బౌలర్ రిషి రాథోడ్ రామావత్ 55 పరుగులు ఇచ్చి 4 వికెట్లు పడగొట్టాడు.
212 పరుగుల విజయ లక్ష్యంతో బరిలోకి దిగిన హీరాధి సీసీ 45 ఓవర్లలో 3 వికెట్లు మాత్రమే కోల్పోయి లక్ష్యాన్ని ఛేదించి 7 వికెట్ల తేడాతో విజయం సాధించింది.
రిషి రాథోడ్ రామావత్ 134 బంతుల్లో 14 ఫోర్లతో 101 పరుగులు చేసి అద్భుత సెంచరీ సాధించాడు. శివ ఆదిత్య దాస్ గుప్తా 58 బంతుల్లో 4 ఫోర్లతో 38 పరుగులు చేయగా, కెప్టెన్ అక్షజ్ గౌడి 52 బంతుల్లో 4 ఫోర్లతో 42 పరుగులు చేశాడు.
హీరాధి క్రికెట్ క్లబ్ కార్యదర్శి శ్రీ మహేందర్ గౌడ్ జట్టు సమష్టి కృషితో విజయం సాధించినందుకు ఆటగాళ్లందరినీ అభినందించారు.
